Tag Archives: Teddy Casiño ang Chairperson sa Committee on Small Business and Entrepreneurship Development

UNSA ANG MGA NAHIMO NI TEDDY ISIP MAGBABALAOD

Tinuod nga kampyon sa mga kabus ug katawhan si Teddy Casiño sa ika -13,14 ug 15 nga Kongreso. Iyang gipakigbisugan ang kagawasan ug demokrasya sa nasud batok sa pagpahimulos ug pagpang-daugdaug sa mga langyaw ug pipila.

Iyang gi-asdang ang balaod para paubsan ang presyo sa lana, bayranan sa kuryente ug text messages, pamasahe sa MRT/LRT, toll fee, tuition, ug renta sa balay. Iyang gi-asdang ang libreng pag-apud-apod sa mga yuta ngadto sa mga mag-uuma, pagpataas sa suhulan, pagbatok sa kontraktwalisasyon, libre ug tawhanong pabalay, libreng hospitalisasyon ug serbisyong legal sa mga kabus.

Si Teddy ang Chairperson sa Committee on Small Business and Entrepreneurship Development. Iyang panawagan nga suportahan ang mga lokal nga produkto ug industriyang Pilipino.

Siya ang nagpasaka og kasong pagpangawkaw batok kang Gloria Arroyo sa isyung NBN-ZTE ug PCSO funds. Wala niya gipalabay ang mga binuang sa gobyerno.

Gipuy-an ni Teddy ang simpleng pamuyo ug bug-os nga serbisyo sa katawhan. Wala siya nagpaka-datu sa iyang pwesto. Limpyo ang iyang rekord, lig-on ang prinsipyo ug adunay plataporma sa pagbag-o. Angayan lamang nga dad-on siya sa Senado – ang pinaka-unang Senador nga taga-Davao.

Advertisements